Një 14-vjeçare ka rënë në humnerë në fshatin Lipe të Përmetit këtë paradite. Sipas burimeve zyrtare fatmirësisht e mitura është nxjerrë pa dëmtime nga lartësia ku kishte rënë dhe është në gjendje të mirë shëndetësore.
Përmet/Informacion paraprak.
Njoftohemi se rreth orës 11:20, në vendin e quajtur “Shënelenë”, në fshatin Lipe, Përmet, është rrëzuar nga një lartësi shtetasja A. Q., 14 vjeçe, banuese në Përmet.
Shërbimet e Komisariatit të Policisë Përmet dhe shërbimet zjarrëfikëse, në bashkëpunim me banorët e zonës, bënë të mundur nxjerrjen e shtetases A. Q., e cila ndodhet jashtë rrezikut për jetën dhe po mer ndihmën mjekësore në spitalin e Përmetit.
Në vendngjarje ndodhet grupi hetimor dhe po punon për zbardhjen e rrethanave të ngjarjes.