Ambasadorja e SHBA-së, Yuri Kim ka paralajmëruar se Gjykata Kushtetuese tashmë është funksionale.
Ajo thotë se që prej 5 muajsh janë shqyrtuar 100 çështje dhe janë lëshuar 25 vendime, ndërkohë që çështjet e nxehta po afrojnë.
SHBA thotë Kim është dhe do të jetë gjithnjë në mbështetje të Shqipërisë.
“Pas 3 vjet paralizimi, Gjykata Kushtetuese u bë funksionale në Dhjetor 2020. Që atëherë, Gjykata ka shqyrtuar 100 ëështje dhe ka lëshuar 25 vendime. Rastet e vështira po vijnë. Reforma në drejtësi është e vërtetë. SHBA do të jetë me Shqipërinë derisa sistemi i drejtësisë të jetë komplet funksional”, shprehet Kim.
Ky reagim i diplomates Kim vjen dhe dy ditë pas lajmit të bujshëm nga DASH, i cili e shpalli ish-kryeministrin Sali Berisha dhe familjen e tij ‘non-grata” në SHBA. Një tjetër çështje e nxehtë që parashikohet të shkojë në Gjykatën Kushtetuese është edhe shkarkimi i Presidentit Ilir Meta, për të cilin është mbledhur tashmë Komisioni Hetimor dhe pritet të votohet në parlament me 84 vota.