Burimet ujore në Qarkun e Dibrës janë të shumta, por konsumatorët ankohen për sasinë dhe cilësinë e tij. Në asnjë qytet nuk ka më shumë se 5-6 orë ujë në ditë, kjo edhe për shkak të keqmenaxhimit të ujësjellësave.
Prefekti i Qarkut Dibër, Nexhbedin Shehu, kërkoi nga drejtuesit e bashkive dhe ujësjellësave të Dibrës, Matit, Bulqizës e Klosit më shumë angazhim e përgjegjësi për furnizimin me ujë të pijshëm të konsumatorëve familjarë, privatë dhe publikë.
Prefekti theksoi se nuk janë mbajtur premtimet për vendosjen e matësave të rinj, lidhjen e kontratave, pakësimin e humbjeve në rrjet, ruajtjen e veprave të marrjes së ujit, etj.
Më problematike gjendja paraqitet në Dibër ku humbjet në rrjet janë mbi 50 %, në Klos ku nuk kryhen analizat e cilësisë nga bashkia dhe në Bulqizë ku nuk kryhen investime.