Këngëtarja dhe moderatorja, Besjana Kasami, e njohur si Big Mama, fare papritur, ka postuar një foto në llogarinë e saj në Instagram duke festuar me mikeshat e saj. Dhe nuk është foto nga një festë e zakonshme, por nga festa e beqarisë.
Ndonëse ka qenë mjaft e rezervuar për jetën e saj private, Big Mama prej kohësh jeton një dashuri të bukur.
Menjëherë pas këtij postimi, me mesazhin “Nata e fundit e beqarisë”, kanë vërshuar urimet e miqve virtualë në adresë të Besjanës.
Me sa duket, kjo e premte do të shënojë ngjarjen më të bukur në jetën e këngëtares.
Për partnerin e saj, Besjana ende nuk ka folur publikisht. Ajo ka preferuar, prej kohësh, të jetë e tërhequr nga vëmendja mediatike, sidomos kur bëhet fjalë për jetën private.