Mexhit Picari, autori i vrasjes sot pranë Gjykatës së Tiranës është vënë në pranga nga policia, po duket se procesi i divorcit mes të bijës dhe ish dhëndrit të tij ka kaluar mes mjaft tensionesh.
Familja Picari ka qenë pjesë e një emisioni televiziv, ku kanë rrëfyer të gjithë historinë sipas versionit të tyre. Bëhet fjalë për transmetimit e emisionit në fillim të tetorit, kur dhe vajza e autorit, Dhurata Saliaj është arrestuar për dhunë në familje.
Brenda familjes ka pasur akuza dhe kundërakuza, pretendime për tradhti bashkëshortore, mosmarrëveshje dhe deklarata për dhunë fizike dhe psikologjike.
Familja e Kudret Saliaj,konkretisht vjehrra e 32-vjeçares, mbesa e burrit të saj, madje edhe 2 fëmijët e saj, e akuzonin Dhurata Saliajn për tradhti bashkëshortore. Ata thonë se ka prova, ndërsa vetë Dhurata mohon çdo gjë të tillë dhe i konsideron sajesa e trillime.
Por konflikti brenda familjes u tensionua akoma më shumë. Ndaj Dhuratës u bë një denoncim në polici, ku akuzohej se kishte ushtruar dhunë fizike e psikologjike ndaj fëmijëve të saj dhe mbesës së burrit, si dhe të kishte kërcënuar vjehrrën.
Pas këtij kallëzimi, Dhurata Saliaj u arrestua më datë 3 Tetor. Pasi u arrestua, Dhurata doli përpara Gjykatës së Tiranës dhe trupa gjykuese vendosi masën e sigurisë arrest shtëpie. https://www.youtube.com/embed/hzrZK4GJ5T4?feature=oembed