Ish-deputeti i LSI-së Përparim Spahiu, ka reaguar në lidhje me incidentin që ndodhi dje në një prej avionëve të linjës “Blu Panorama”, i cili bëri ulje të detyruar në Rinas për shkak të një defekti të pësuar në ajër. Spahiu shkruan se kjo linjë “low cost” është mjaft e kritikuar prej klientëve të saj dhe operon vetëm në 6 shtete, ku një pjesë e tyre ndodhen në Afrikë.
Sipas Spahiut, qeveria do të reagojë vetëm kur të ndodhë ndonjë tragjedi kombëtare.
Reagimi i Përparim Spahiut për ngjarjen e ndodhur ditën e djeshme në aeroportin e Rinasit
Kur të vdesim, mos reagoni më!
Një ditë më parë, tymi u ndez brenda avionit Blue Panorama, dhe rrezikoi jetën e 200 pasagjerëve….
Gra shtatzëna, fëmijë, të moshuar dhe të rinj, u tmerruan nga frika…
Kjo linjë skandaloze operon vetëm në 6 shtete, disa prej tyre në Afrikë Janë të shumta defektet dhe denoncimet e qytetarëve ndaj Blue Panoramës..
Vërtet që kjo linjë është low-cost, por jeta e qytetarëve shqiptarë nuk është aq e lirë
Deri tani, Qeveria nuk tha asnjë fjalë të vetme për këtë ngjarje të rëndë….mbase po pret, largoqftë kur të ndodh një tragjedi kombëtare…
Operimi i linjave të tilla low-cost vjen nga monopolizimi i RINAS-it, për të cilin qeveria tha që do e zhbëj
Deri tani kanë kaluar 6 vjet, dhe asgjë ska ndryshuar!
Shqiptarët janë mashtruar nga KM për aeroportin e Sarandës, Kukësit, Vlorës, Gjirokastrës apo Air Albania….