Ka njerëz që pretendojnë se kanë parë UFO dhe dy prej tyre janë mbrojtësi i Romës, Chris Smalling dhe bashkëshortja e tij.
Në një intervistë për mediat italiane, Sam Cooke tregoi se bashkë me Chris Smalling kanë parë një UFO, që ka fluturuar pranë tyre dhe më pas është larguar.
“Chris dhe unë pamë një UFO natën e kaluar. Ai erdhi dhe fluturoi para nesh, pastaj ndaloi dhe u kthye sërish në qiell, ku qëndroi për rreth një orë. Ne nuk kishim marrë kërpudha halucinogjene. Ishte shumë e vogël për t’u filmuar ndërsa qëndronte pa lëvizur në qiell, edhe pse Chris mund ta shihte duke u rrotulluar me drita që ndiznin rreth e rrotull . Ne mund ta kishim kapur në kamera kur ai po fluturonte drejt nesh, por të dy ishim shumë të shtangur për të nxjerrë celularët tanë. Ajo dukej e madhe. Nuk dukej si një nga UFO-të klasike. Ishte krejt e heshtur. A ka parë dikush diçka të tillë? Eshtë e vështirë të shpjegohet se si është bërë sepse ishte maskuar mirë, dukej se përbëhej nga dy drejtkëndësha 3D të veçantë, të cilët rrotulloheshin rreth njëri-tjetrit me drita të zbehta rreth skajeve”, u shpreh bashkëshortja e Chris Smalling.