Një 27-vjeçar në Gjirokastër u plagos rëndë sot pas shpërthimit të një lëndë eksplozive.
I plagosuri është identifikuar si Vitjon Lluka. Policia bëri me dije se 27-vjeçari është plagoosur teksa ishte duke kullotur gjedhët.
Ndërkohë, sipas grupit hetimor ngjarja nuk ishte aksidentale, por ka si votiv hasmërinë.
Vitjon Lluka ka vështruar një objekt të çuditshëm të mbështjellë me letër dhe është ulur për ta hapur dhe menjëherë ka shpërthyer. Lluka është plagosur rëndë dhe është dërguar me urgjencë në Spitalin e Gjirokastrës nga familjarët e tij. Ndërhyrja kirurgjikale ka qenë e menjëhershme aq sa mund të ndërhyhej pasi dëmtimi ishte shumë i madh, raporton Newsbomb.
Si pasojë e shpëtimit fytyra e 27-vjeçarit është deformuar aq sa ka spostuar edhe pjesën e poshtme të nofullës. Ndërsa gjendja e tij ishte tejet kritike, në Gjirokastër ka mbërritur edhe helikopteri me të cilin e kanë transportuar për mjekim më të specializuar drejt Spitalit të Traumës në Tiranë.
Ndërkohë, dyshohet se kjo ngjarje ka motiv hakmarrjen e një vrasjeje që ka ndodhur më 23 mars të 2016 në Kthesën e fshatit “Andon Poci” ku autor ka qenë Enrik Lluka, vëllai i Vitjon Llukës.
Enrik Lluka në 23 mars 2016, ka qëlluar me armë zjarri ndaj kushëririt të dytë të tij, Dorian Lluka i cili humbi jetën dhe Bilbil Llukës që ngeli i plagosur. Ndërkaq, Enrik Lluka nuk është arrestuar ende.