Kreu i grupit parlamentar të PS, Taulant Balla duke folur në Kuvend për ngjarjen e Elbasanit ku mbeti i vrarë Pjerin Xhuvani tha se policia e shtetit nuk mori masa në kohë.
“Nuk i mori masat në kohë, nuk parandaloi një akt kriminal teksa ishte njoftuar se në makinat e PD udhëtonin persona të armatosur dhe që për fat të keq nuk hezitoj ta them, që policia e shtetit duhet të ngrihet në përgjegjësinë e pritshmërinë e qytetarëve shqiptarë në këtë mandat tonën të tretin sepse ende nuk është aty ku unë do të kisha dëshirë të shihja policinë tonë. Për këtë të jemi shumë të qartë. Shpresoj që policia e shtetit të bëj një ringritje të fortë në përballje me krimin dhe goditjen sa më të fortë të krimit”, tha ai.