Skenës muzikore vendore i është shtuar edhe një artiste e re, madje ajo hyri fuqishëm në tregun tonë, duke debutuar me këngën “Palo”, e më pas erdhi edhe me atë “Ami”. Të dyja projekte këto që u pritën jashtëzakonisht mirë nga audienca shqiptare. Melinda Ademi po shihet si konkurente e fortë e repereve të tjera shqiptare.
Por për të arritur deri këtu ajo ka luftuar me “mish dhe shpirt” e këtë e ka treguar përmes një statusi në llogarinë e saj “Instagram”.
“Gjithmonë e kam dashur muzikën. Kur isha 16 vjeç unë shkova në American Idol, nuk fitova dhe u ktheva 2 vjet më vonë u bëra pjesë e gjysmëfinales. Nuk mora ndonjë çmim, por nuk e dorëzova. Kam ardhur në vendin tim për muzikën që ndjej. Dola në skenë, u ngjita lart, duke luftuar. Jam krenare për veten time, dhe nuk do të heq kurrë dorë”, ka shkruar artistja që jeton dhe vepron në Amerikë.