Një sherr mes dy kushërinjve ka degjeneruar në përdorimin e armëve të zjarrit. Ngjarja ka ndodhur në fshatin Podogrie të Korçës, pasditen e kësaj të premteje, ku fillimisht dy kushërinjtë janë konfliktuar me fjalë, më pas njëri prej tyre ka qëlluar më pushkë.
Për fat të mirë nuk pati persona të lënduar. Ndërkohë, policia ka bërë të mundur arrestimin e autorit që qëlloi, shtetasit Ervin Gura.
Paraprakisht dyshohet se kushërinjtë janë konfliktuar për motive të dobëta.
Sakaq, policia dhe grupi hetimor kanë shkuar në vendin e ngjarjes dhe po punojnë për zbardhjen e sherrit, ku u përdor edhe arma.