Eriseld Telhallari, infermieri 30-vjeçar i cili vuan nga një sëmundje këmbën e djathtë dhe tani ka probleme me enët e thella të gjakut të këmbës tjetër dhe barkut, ka nevojë për mbështetje monetare.
Ai punon si infermier në Onko-Hematologjisë pediatrike në QSUT prej disa kohësh. 30-vjeçari rrezikon të humbasë edhe këmbën tjetër, prandaj i është këshilluar nga mjekët në Itali të kryejë ndërhyrje kirurgjikale të enëve të gjakut sa me shpejt.
Kolegu i tij, Korab Gjana ka bërë apel pëe ndihmë në rrjetet sociale, teksa ka vënë në dispozivion edhe të dhënat për këdo që do të japë kontributin, sado të vogël.
“Ai është një djalë plotë energji dhe profesionist i devotshëm në një shërbim të vështirë, ku hallet e fëmijëve me diagnoza të tilla e bëjnë atë dhe më të ndjeshëm dhe më pranë tyre.
Optimizmi i tij për jetën dhe profesionin më bëri ta admiroj atë djalë. Secili nga ne është i rrethuar nga hallet dhe problemet e përditshme, ku dikush më pak dhe dikush më shumë. Faleminderit shumë të gjithë njerëzve dhe kolegëve që më kanë shkruar për ta ndihmuar Erin.
Në halle dhe probleme t’i qëndrojmë pranë njëri-tjetrit Zoti i dhëntë forcë Erit që ta përballoj këtë problem shëndetësor! Ai dhe ne jemi bashkë për të”, shkruan një prej kolegëve të tij në rrjetet sociale. Të dhënat për ndihmë ERISELDI TELHALLARI, IBAN:AL93202110750000000021163311; Nr. tel: 069 313 3503!