Latif Gjini, 41 vjeç, banues në fshatin Pleshë, të Bashkisë Klos, është arrestuar në orët e mesnatës, pasi bashkëshortja e denoncoi se tentoi ta vriste me thikë.
Ky shtetas rezulton të jetë dënuar vite më parë me 12 vjet burg për grabitje me armë dhe 3 vite për armëmbajtje pa leje. Po ashtu një vëlla i tij është vrarë për hakmarrje.
Gruaja e këtij shtetasi kishte marrë urdhër mbrotje nga Gjykata e Matit.
Policia njoftoi se një 41-vjeçar nga Mati është vënë në pranga pasi ka kanosur me thikë dhe ka dhunuar fizikisht bashkëshorten e tij.
“Kanosi me mjete prerës dhe ushtroi dhunë fizike ndaj bashkëshortes së tij, kapet dhe vihet në pranga 41-vjeçari.
Nga specialistët për Hetimin e Krimit në Komisariatin e Policisë Mat u bë kapja dhe ndalimi i shtetasit L. Gj., 41 vjeç, banues në Klos, pasi në banesë ka kanosur me mjete prerës dhe ka ushtruar dhunë fizike ndaj bashkëshortes së tij.
Materialet procedurale i kaluan Prokurorisë, për veprime të mëtejshme”, thotë policia.