Kristian Eriksen është operuar me suksss në ditën e djeshme teksa i është vendosur një defribilator kardiak, pas arrestit kardiak që pësoi në ndeshjen ndaj Finlandës. Sot, ose nesër, Eriksen do të rikthehet në shtëpi për të vazhduar në qetësi të plotë rikuperimin e tij.
Vetëm pas një apo dy muajve do të vendoset nëse danezi do të ketë mundësinë të rikthehet sërish në fushat e blerta. Sakaq, do jetë e vështirë që Eriksen të luajë në Serinë A sërisht, në rast se defribilatori është i përhershëm. Pasi nga viti 2017, Italia nuk lejon sportistët që kanë të bëjnë me sporte kontakti të jenë aktivë në rast se kanë defribilator.
Ndërkaq, ka edhe vende që i lejojnë sportistët të jene aktivë si Holanda apo Anglia. Megjithatë, së pari duhet kuptuar nëse Eriksen do e ketë mundësinë për t’u rikthyer në fushë