Gazetari Musa Kurtulaj shkruan se ndryshimet që janë paralajmëruar në zyrat e kadastrave në vend nuk i duket të mirëmenduara dhe se fillimisht duhet të nxirren shkaqet pse puna në këto zyra nuk ecën me ritmet e kërkuara.
“Edhe para 2-3 viteve i ndërruat të gjithë duke u kërkuar të japin dorëheqje, ndërsa sot paralajmëroni përsëri për shkarkime dhe emërime të reja ! Kështu nuk keni gjë në terezi, nëse nuk analizoni më parë se pse nuk ecën puna me ritmet e kërkuara!”, shkruan Kurtulaj.
Postimi i gazetarit:
Pse ndodh kështu me drejtuesit e zyrave të regjistrimit të pronave, siç tregon më poshtë shqetësimi Artan Lames së Agjencisë Shtetërore të Kadastrës ? Kësaj pyetje i duhet dhënë përgjigje Artani, para se të vendosin për të shkarkuar drejtorë dhe emëruar të tjerë! Edhe para 2-3 viteve i ndërruat të gjithë duke u kërkuar të japin dorëheqje, ndërsa sot paralajmëroni përsëri për shkarkime dhe emërime të reja ! Kështu nuk keni gjë në terezi, nëse nuk analizoni më parë se pse nuk ecën puna me ritmet e kërkuara ! Mjafton të verifikoni zyrat tuaja në Shkodër për të parë se si janë bunkjerizuar, që të arrini në konkluzion se sa larg shqetësimeve të qytetarëve janë nënpunësit e kadastrës dhe të aluiznit ! Puna e tyre bëhet lehtësisht e matëshme, nëse doni, ndryshe nuk keni për të rregulluar gjë thjeshtë duke vazhduar serialin e shkarkim – emërimeve !