1 mijë mjekët specializantë që janë hequr nga puna pas një viti shërbimi kundër pandemisë do të dalin në protestë.
Ata ditën e nesërme pritet që të mblidhen para Fakultetit të Mjekësisë ku do të mbajnë një deklaratë për mediat mbi arsyet e protestës.
Deklarata pritet që të jepet në orën 10:00 të paraditës në Rrugën e Dibrës para Fakultetit të Mjekësisë.
1 mijë mjekë specializantë, të cilët u punësuan në sektorin publik të shëndetësisë gjatë periudhës së pandemisë dhe luftuan mbi një vit në spitalet COVID, kanë mbetur pa punë.
Vendimin e ka lëshuar Operatori i Shërbimeve të Kujdesit Shëndetësor, ku theksohet ndërprerja e kontratës së punësimit me mjekët specializantë, pas kërkesës së bërë nga Ministria e Shëndetësisë.