Një 58-vjeçar nga qyteti i Kuçovës ka hipur pak minuta më parë në një nga puset e naftës në Kuçovë dhe kërcënon se do të hidhet nga lart.
Nikollaq Bushi mësohet se i ishte premtuar një punë nga bashkia Kuçovë por prej disa muajsh nuk kishte gjetur zgjidhje.
Në zonë kanë shkuar forcat e policisë që po negociojnë për të zbritur 58-vjeçarin nga kulla metalike.
Policia e Kuçovës/ Informacion paraprak
Rreth orës 11:45 kemi marrë njoftim se shtetasi N.B., 58 vjeç, banues në lagjen 11 Janari, Kuçovë, ka hipur në një platformë metalike të pusit të naftës, duke pretenduar se do të hidhet, pasi nuk është sistemuar me punë nga Bashkia.
Në vendngjarje kanë mbërritur shërbimet e Policisë dhe të Zjarrfikëses si dhe punonjësit e Bashkisë Kuçovë, të cilët po negociojnë me shtetasin N.B me qëllim zbritjen e tij.