Problemet mes pronarëve të bizneseve për ndarjen e parcelave përpara hoteleve vazhdojnë nga Veriu në Jug. Dy ditë më parë në Velipojë u vranë 4 persona për shkak të konfliktit pë shezlongët, mbrëmë në Drimadhes 60 shezlonge dhe çadra u dogjën, ndërsa sot është regjistruar një tjetër incident në Ksamil.
Pronari i një plazhi në Ksamil pretendon se padrejtësisht policia i ka hequr shezlongët nga territori i tij të cilin e ka të dokumentuar e të mirëmbajtur me të gjitha taksat dhe detyrimet.
Por fatmirësisht nuk pati përshkallëzim të tensionit dhe qetësisht janë hequr një palë dhe janë vendosur shezlongët e tjerë pa përplasje.
Por gjithçka ka ndodhur në mes të ditës teksa turistët po pushonin qetësisht kur papritur janë rrethuar nga forcat e policisë për të hequr shezlongët ku ishin ulur, që janë kthyer në kryefjalë në ditët e fundit.