Përfaqësuesja e PD-së Dhurata Cupi sulmoi sonte me tone të ashpra OSBE-në, madje e konsideroi si zëdhënëse të qeverisë. Ajo u bën thirrje ndërkombëtarëve të ndjekin revoltën popullore. Deputetja e Dibrës vijon të jetë aktive në rrjetet sociale:
Postimi i Cupit
OSBE në Tiranë i rrëmben detyrën zedheneses së
qeverisë së Ramës.
Sonte pa mbaruar ende protesta opozitës ku dhjetra qytetarë u helmuan nga gazi
që hodhi policia politike Edi Ramës ndaj shqiptarëve, OSBE doli në një
deklaratë për mediat.
Përmes kësaj komunikate u dënua dhuna e protestuesve por OSBE nuk mundi të
shohë dhjetra qytetarë, burra, gra dhe te rinje që u helmuan me urdhër të
kapter Lleshit, që zbaton me përpikmëri direktivat e shefit të tij.
Revolta popullore erdhi pas helmimit masiv me gaz
lotsjellës në protestë, e këtë e pa cdo shqiptarë, vetëm OSBE me sa duket ska
qenë e vëmendëshme në atë kohë.
Në fakt nga kjo deklaratë nuk cuditem më, pasi shkon në të njëjtën linjë me atë
të disa ditëve më parë, ku u deklarua se jane blerë e shitur votat e
shqiptarëve, por OSBE nuk e “sheh” të arsyeshme protestën e shqiptarëve.
Institucionet ndërkombëtare dhe selitë diplomatike në Tiranë, duhet ta shohin këtë situatë përtej syzeve të qeverisë e të kuptojnë këtë revoltë mbarë popullore që nuk mund të pranojë më një qeveri të dalë me votë të kriminalizuar.