Pas finalizimit të operacionit ndërkombëtar “Shpirti” autoritete të policisë shqiptare italiane dhe të Eurojuast kanë dalë në një konferencë të përbashkët shtypi.
Drejtori i Eurojust Filippo Spiezia, deklaroi se është verifikuar se kriminaliteti shqiptar dhe ai italian është në nivelet më të larta të kriminaliteti botëror.
Gjithashtu ai tha se goditja e krimit të organizuar është një udhëtim që duhet të vazhdojë.
“Doja të nenvizoja tre fakte nga ana ime. Siç tha prokurori kombëtar, bashkëpunimi mes autoritetve gjyqësore dhe policisë italiane dhe shqiptare po tregon një model të një niveli të lartë, në luftën ndaj krimit të organizuar transnacional. Ky model sot është perfeksionuar sepse po përdorim me angazhim dhe efikasitet të madh mjetet e skuadrës së përbashkët hetimore. Kjo na ndihmon të thyejmë barrierët gjyqësore dhe territoriale mes Shqipërisë dhe Italisë. Një model dhe në kuadrin europiane”, tha Spezia.