Një video është publikuar në faqen e ish-kryeministrit Sali Berisha. Në pamjet e filmuara nga pushuesit shihet një djalë i ri i cili bën manovra të rrezikshme me motorr uji në breg të detit.
Në një zonë ku është e ndaluar të ngasësh motorr uji pasi ka numër të shtuar pushuesish që lahen, ku shumica janë fëmijë. Nuk dihet se në cilin bregdet shqiptar është filmuar kjo video, por pamjet janë vërtet të frikshme.
Disa herë gjatë sezonit të verës ka pasur incidente që kanë përfunduar me vdekje pasi plazhistët që ishin futur në det për t’u larë janë goditur nga motorri i ujit.