Një shpërthim i fuqishëm ka ndodhur këtë mbrëmje në Dubai. Sipas raportimeve paraprake nga mediat vendase ngjarja ka ndodhur në portin Jebel Ali.
Dyshohet se zjarri ka shpërthyer në një kontenier me naftë të një anije të ankoruar në port. Shpërthimi ka ngjallur panik tek banorët e zonës të cilët kanë thënë se dritaret dhe dyert e shtëpve e tyre ishin lëkundur në momentin e shpërthimit.
Akoma nuk ka një njoftim zyrtar nga autoritetet për shkaqet e ngjarjes, ndërsa forcat e zjarrëfikëse kanë mbërritur në vendngjarje.