Luan Shala dhe Agron Kelmendi, dy të rinj nga Suhareka e Kosovës, pjesë e grupit Motocross Theranda, grup të apasionuarisht pas motorëve që ngjisin majat e maleve, kanë ngjitur sot majën e Çikës në Vlorë.
Ngjitja për në majën e Çikës zakonisht është bërë në këmbë, për shkak të terrenit të thepisur, por dy të rinjtë kanë sfiduar terrenin e vështirë shkëmbor dhe kanë arritur në majën e Çikës.
“Për herë të parë ngjitëm majën e Çikës, ngjitja ishte shumë sfiduese”, thotë njëri prej tyre.
Udhëtimi i tyre ka filluar nga Qafa e Llogarasë në drejtim të majës së Çikës dhe zgjati 7 orë.
Të rinjtë e Suharekes malin e Çikës e kanë vizituar edhe një muaj më parë në Vlorë, por për shkak të mjegullës dhe borës nuk mundën të arrijnë majën e Çikës.