Dhjetëra punëtorë sezonal ditorë vijojnë ende të jenë të bllokuar në Pikën Kufitare të Qafë Thanës, pasi pala maqedonase ka penguar kalimin e tyre ditën e djeshme.
Punëtorët shprehen se nuk kanë ende asnjë informacion se çfarë do të ndodhë, ndërsa i bëjnë thirrje shtetit të ndërhy për të zgjidhur situatën.
“Kemi mbetur rrugëve nuk kemi informacion se çfarë do të ndodhë, nuk japin shpjegime. Kemi në shtëpi fëmijët pa bukë, duam zgjidhje nga shteti të ndërhyjë dhe flasë me këta”, deklarojnë ata.
Mbeten ende të paqarta shkaqet e kësaj ndalese nga pala Maqedonase, por sipas burimeve shkaku i ndalimit mun dtë lidhet edhe faktin se një punonjës sezonal ka humbur jetën në Maqedoni dhe mungesa e siguracionit e kontrata e punës ka bërë që të ashpërsohen kontrollet, duke vendosur barrierë për udhëtarët.