Finalja e UEFA Conference League do të luhet në “Air Albania”.
Kështu thuhet në një njoftim të Federatës Shqiptare të Futbollit. Mësohet se me 25 maj 2022 kjo finale do të luhet në kryeqytetin shqiptar.
Postimi i FSHF-së:
Ky është trofeu i UEFA Conference League, kompeticionit më të ri europian për klube që nisi këtë sezon. Ky trofe do të jetë në Tiranë më 25 maj 2022 në finalen e madhe të turneut që do të luhet në “Air Albania”. Në dhjetor të vitit të kaluar UEFA vendosi t’i besojë FSHF-së organizimin e kësaj finaleje, që do të mbetet në histori si e para e turneut.
Një tjetër arritje madhore për Federatën e Futbollit që ka nisur prej kohësh përgatitjet për pritjen e këtij eventi me përmasa ndërkombëtare e që do t’i sjellë Shqipërisë benefite të mëdha. FSHF është e bindur se organizimi i kësaj finaleje më vendin tonë do të jetë një histori e vërtetë suksesi!