Turistët vendas thonë se nuk do të kthehen më në Golem, pasi sipas tyre këto nuk janë pushimet që ata meritojnë!
Bashkangjitur një video ku shihen koshat e mbeturinave që prej më shumë se një jave nuk janë pastruar, një qytetar shkruan në “Ti Raporton” se ka paguar shumë shtrenjtë biletën e udhëtimit për të shkuar e pushuar në atë vend me “pirgje plehrash.” “Na mbyti era, po i blejmë biletat shumë shtrenjtë për të ardhur në këto pirgje plehrash. Ju lutem na ndihmoni të pastrohen dhe këto mbetjet urbane”, shkruan qytetari i shqetësuar.
Këto pamje që vënë në rrezik shëndetin, mjedisin dhe turizmin kanë vënë në alarm pushuesit dhe banorët e zonës, e nëse kësaj situate nuk do ti jepet një zgjidhje do të largojnë pushuesit!