Komisioni Qendror i Zgjedhjeve ka nisur zyrtarisht kërkesat për plotësimin e vendeve vakante për 57 deputetët e dorëhequr sipas listës së dërguar në Kuvend.
Në këtë shkresë të publikuar, është emri i ish liderit të PD Sali Berisha, mandati i të cilit i kalon një vajze konkretisht Ina Haxhiajt, ardhur nga rradhët e FRPD. Menjëherë ka reaguar e reja demokrate e cila shkruan në rrjetet sociale: “Më vjen keq por nuk e zëvendësoj dot”.
Në fakt, të gjithë kandidatët në “listë pritjeje” nga PD kanë refuzuar në bllok të marrin mandatin ndaj vendi i Berishës kësisoj mbetet bosh.
KQZ iu ka kërkuar kandidatëve të listës shumëemërore në 12 qarqet e Shqipërisë të dorëzojnë dhe formularin e dekriminalizimit.
Mbetet për t’u parë se kush nga listat e opozitës do të pranojë mandatin e deputetëve, edhe pse ndërkohë po qarkullojnë disa emra.
Kujtojmë ndërkaq se delegacioni i Parlamentit Europian e quajti të ligjshëm këtë Parlament, që sipas tyre mund të vazhdojë punën.
