Pas djegies së mandateve nga deputetët e Parlamentit, bëhet me dije se janë plot 11 kandidat nga PD dhe LSI që nuk kanë firmosur formularin për të hequr dorë nga mandatet.
11 kandidatët i bashkëngjiten kështu 4 deputetëve që ende nuk kanë firmosur.
Një ndër ta është edhe kandidati i LSI për Tiranën, Ylli Shehu.
I kontaktuar nga “GSH”, ish-deputeti u shpreh se është njoftuar nga KQZ dhe ka 10 ditë kohë për të dorëzuar formularin e dekriminalizimit.
“Unë nuk kam firmosur ende një deklaratë paraprake dorëheqjeje. Jam njoftuar nga KQZ për të drejtën e përfitimit të mandatit, dhe kam 10 ditë kohë të dorëzoj formularin e dekriminalizimit.
Deri atëherë kam kohë të mendohem dhe të konsultohem me gjithçka ndodh, pas shkëputjes gati 2 vjeçare me politikën aktive. Shpresoj në mirëkuptimin tuaj për ta marrë gjithë kohën që kam në dispozicion për të thënë fjalën e fundit”, tha ai.