Artistja shqiptare me famë botërore, Dua Lipa po zhvillon bashkë me familjen e saj një vizitë në Tiranë.
Ajo është pritur gjatë kësaj vizite dhe nga kryeministri shqiptar Edi Rama i cili i ka dhuruar edhe punime të tij të përmbledhura në një libër.
“DUA LIPA që ka kapur qiellin e botës muzikore s’ka nevojë për asnjë koment, ndërsa një koment për Duan që pata kënaqësinë të njoh, unë dua ta ndaj me ju.
Uroj që ajo të rrojë e të mbretërojë 100 vjet në fronin ku është ulur, po brenda meje mbeti gjurma e vajzës së mençur, të edukuar e modeste si të ishte askushi, e cila është me siguri krenaria e lumturia e prindërve dhe e krejt familjes së saj, pikërisht sepse çka i takon botës nga ylli i muzikës, nuk ka prekur asnjë fije atë çka u takon atyre nga vajza e tyre. Çfarë çike”, shkruan Rama.