Një 27 vjeçar shqiptar, emër i njohur për policinë, është plagosur me thikë në shpinë pas një konflikti me dy të rinj në Romë.
Ngjarja ndodhi sot, ku i riu është konfliktuar me dy persona midis rrugës “Magazzini Generali” dhe rrugës “Gazometro”.
Ai u transportua në Spitalin San Camillo, ku ndodhet në gjendje të rëndë, pasi ka marrë plagë në shpatull dhe bark.
Sipas medieve lokale, i riu shqiptar u përpoq që t’u ikte autorëve të sulmit, por pas 150 metrash ai u rrëzua përtokë pranë një lokali. Policia po heton ngjarjen dhe ka shpallur në kërkim dy autorët.