Astrologu Hysgen Dauti tregoi parashikimin e yjeve për muajin Gusht.
I ftuar në emisionin “Abc-ja e mëngjesit” me moderatorin Alban Musa, astrologu tha se shenja më me fat e këtij muaji do të jetë Luani ndërsa më pak i favorizuar do të jetë Ujori.
Dashi
Rizgjim nga gjumi letargjik, me aktivitete të ndryshme.
Demi
Një rikthim në planet e karrierës dhe kjo është periudha më vendimtare.
Binjakët
Një balancë midis qejfit, udhëtimeve dhe punës. Mos t’i lërë gjërat pas dore dhe t’i shijojë pushimet verore se do të jenë më të favorizuar.
Gaforrja
Është një periudhë më e qetë pasi mbaroi sezoni. Duhet të përqendrohet tek financat.
Luani
Është sezoni i tyre, do të bien më shumë në sy dhe do të kenë më shumë vëmendje.
Virgjëresha
Balancë midis gjendjes shpirtërore dhe punës, të jetë e rëndësishme gjendja mendore që të krijojë një stil jetese më korrekt dhe të heqë dorë nga gjërat toksike.
Peshorja
Fokusi i lartë në dashuri, pak dramë, pak situata filmike domethënë do të jenë pak më romantik këtë muaj.
Akrepi
Duhet se s’bën ta shijojë muajin sepse ka punuar gjatë gjithë vitit, ka qenë i përqendruar për të krijuar gjërat më vendimtare të jetës. Një ndërrim shtëpie, dokumentacioni, hapja e një biznesi. Ka qenë një vit stabiliteti dhe gushti është për t’u qetësuar.
Shigjetari
Duhet të gjejë pak stabilitet se ka qenë pak i lëvizshëm këtë verë. Do të vazhdojë të jetë në lëvizje nëpër aktivitete, por të ketë parasysh që të krijojë gjërat afatgjata se zakonisht të verës janë afatshkurtra.
Bricjapi
Një periudhë ku është marrë më shumë me marrëdhënien në çift, është pak më i lodhur tek kjo pjesë. Duhet të fokusohet tek personat e besueshëm, më intim dhe të bëjë një lloj selektimi të njerëzve dhe situatave se çfarë do të bëjnë.
Ujori
Situata kontraktuale, çështje dokumentacioni që janë për t’u zgjidhur këtë muaj. Gjëra që janë të zgjidhshme pasi ndiqet nga fati për shkak të Jupiterit. Thjesht ta marrë sa më me pak stres dhe të jetë i qetë.
Peshqit
Çdo gjë që do të ndodhë këtë verë nuk do të jetë në dorë të tyre, çfarë kanë mbjellë do të korrin. Duhet t’i japin vetes pak kohë për qetësim sepse është viti më i lodhshëm shpirtëror i tyre.