Kushtet e qëndrueshme atmosferike do të dominojnë në vendin tonë, duke sjell mbizotërim të motit të kthjellët në një pjesë të mirë të territorit.
Po ashtu temperaturat e larta do të vijojnë të jenë prezente si pasojë e masave ajrore me origjinë nga kontinenti Afrikan që kanë përfshirë Shqipërinë.
Temperaturat e ajrit do të mbeten të pandryshuara në mëngjes, por ulen lehtësisht në mesditë duke luhatur vlerat ditore nga 19°C deri në 41°C.
Era do të fryje mesatarisht me shpejtësi 40 km/h nga drejtimi Veriperëndimor duke krijuar në det dallgëzim mbi 3 ballë.