Vera është një justifikim i shkëlqyeshëm për të lënë pas çdo shqetësim dhe për “tu hedhur” drejt aventurave dhe çmendurisë.
Nëse i keni provuar të gjitha dhe jeni në kërkim të një eksperience emocionuese, e kemi ne një ide. Party në anije!!!
“Libraria Bar Tiranë” në bashkëpunim me “RoofTop Sarandë” sjellin festën e vitit të premten, më 13 gusht. E konceptuar tërësisht ndryshe nga të tjera, mos ia mohoni vetes këtë aventurë elektrizuese.
Largimi me anije është gjithmonë një eksperiencë e pazakontë që mbetet në kujtesën e të gjithë pjesëmarrësve.
Për t’u bërë pjesë e kësaj feste, ju duhet thjesht të rezervoni biletën, ku përfshihen “Open Bar” , pije luksoze dhe ushqim pa limit, lojëra uji.
Në drekë ndalesa do bëhet në Kakome, duke ju dhënë mundësinë të bëni edhe plazh. Nisja bëhet në orën 12:00 dhe kthimi në 20:00, duke marrë me vete edhe shijen fantastike që të fal perëndimi i diellit.
Për ta bërë më të paharrueshme atmosferën, organizatorët kanë menduar edhe për muzikën dhe kanë vendosur të sjellin në anije disa DJ shumë të njohur siç janë: Discojack, DJ Performanc, Vin Veli, Daisy DJ, Olti Oneyl, DJ Beck Suport, të cilët për 8 orë do t’ju argëtojnë nën ritmet e muzikës më të mirë.