Kalaja e Bashtovës është një nga atraksionet turistike shqiptare që ndodhet mes Durrësit dhe Rogozhinës. Dy të rinj, Fatjon Biba dhe Arjan Sufa kanë ndërmarrë një nismë të veçantë për të orientuar turistët drejt këtij siti turistik.
Për këtë kala nuk ka pasur asnjë tabelë për turistët kështu që ata vendosën që në anë të rrugës të vendosin një murale që të orienton drejt kalasë.
Kalaja e Bashtovës (Castle Bashtova) ngrihet pranë fshatit të Vile-Bashtovës në një distancë prej 3-4 km, në veri të grykëderdhjes së lumit të Shkumbinit. Kështjella është ndërtuar në shekullin XV dhe u ka shërbyer venecianëve, per shkembime tregtare. E vecanta e kesaj Kalaje ose Keshtjelle eshte se kjo kjo Keshtjelle eshte e vetmja Keshtjelle ne Ballkan e ndertuar ne fushe. Rrethinat e saj kanë mbetur të plota.
“Prej shumë kohësh më shqetësonte shumë fakti që “Kalaja e Bashtovës”, e cila është një nga monumentet më të veçanta që ne kemi, vetëm 12 kilometra nga rruga nacionale Durrës-Rrogozhinë, nuk kishte një tabelë orientuese për turistët.
Ndaj bashkë me mikun tim dhe artistin e zonës Sufa Arjan ndërmorëm këtë aksion për të pikturuar një murale, që përshkruan më së miri bukurin e kësaj kështjelle, e cila rrethohet nga lumi, deti, dhe pylli.
Jam i sigurt që ky grafit/pikturë do ti vij në ndihmë shumë turistëve të njohin kalanë e të orientohen për ta gjetur atë. Gjithashtu dhe për të gjithë ata që do të vijnë të ndjekin nga afër evenimentin Duel Në Themel që do të mbahet më 14 gusht brenda mureve mesjetare të kësaj kalaje.
P.s: Me këtë postim gjej rastin ti bëj thirrje institucioneve, që minimalisht të pastrojnë ferrat në krah të rrugës në mënyrë që ky punim të mos të mbulohet e me pas të zhduket.”, shkruan ne rrjetet sociale nismetari Fatjon Biba.