A.R 43-vjeç dhe M.K 31-vjeç, janë dy shqiptarët e arrestuar për grabitje në banesa të ndryshme në Milano të Italisë.
Mediat italiane raportojnë se dy shqiptarët janë autorë të disa vjedhjeve në banesa ndërsa policia u ka kapur edhe mjetet e “punës” që përdornin për të hyrë në to. Sipas raportimeve shqiptarët synonin banesa në të cilët pronarët e tyre u largonin dhe më pas hynin brenda duke marrë sendet me vlerë.
Arrestimi I tyre u bë në flagrancë teksa grabisnin një banesë në Baldinucci rreth orës 4:40 të mëngjesit. Kanë qenë banorët të cilët kanë njoftuar policinë, ndërsa më parë ishin bërë disa denoncime ndaj dy shqiptarëve.
Gjatë momentit të arrestimit, policia I kapi dy shqiptarët me çanta të mbushura me bizhuteri që vlenin mijëra euro.
Policia dy shqiptarëve më pas u ka gjetur edhe mjetet që përdornin për të thyer banesat.