Kryeministri Edi Rama i ka bërë thirrje qytetarëve shqiptarë që të vaksinohen kundër Covid-19 për të mbrojtur shëndetin e tyre dhe të njerëzve të dashur.
Muaji Gusht do të jetë i hapur për vaksinimit antiCOVID për çdo qytetar +18 vjeç, ndaj vijon apeli ndaj qytetarëve që të vaksinohen sa më parë për të frenuar përhapjen e virusit të rrezikshëm.
“Vaksinimi nuk pret! Vaksinohu sa më parë në pikën më të afërt të vaksinimit. Mbroje shëndetin tënd dhe të njerëzve të dashur”, shkruan Rama.
Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet.
