Chelsea ka njoftuar edhe zyrtarisht se ka nënshkruar me sulmuesin Romelu Lukaku pas marrëveshjes me Interin për 115 milion euro.
Nga kontrata e tij me klubin e ri Lukaku do të përfitojë 12 milionë euro në sezon ndërsa është shprehur shumë i lumtur me rikthimin e tij në “Stamford Bridge”.
“Jam i lumtur dhe i bekuar që u riktheva në këtë klub të mrekullueshëm. Kam mbështetur Chelsean si fëmijë. Mënyra se si klubi po rritet përshtatet me ambiciet e mia në mënyrë perfekte. Kjo mundësi vjen në momentin e duhur dhe mund të kemi shumë suksese së bashku”, ka thënë Lukaku.