Rey Manaj është pjesë e ekipit të parë të Barcelonës. Klubi katalanas njofton se lushnjari, së bashku me Depay e Garcia janë federuar në La Liga si pjesë e ekipit A. Problemet ekonomike të klubit kanë bërë disa nga lojtarët që të ulin pagat më shumë se dyfish.
Gerard Pique ka pranuar të ulë ndjeshëm pagën, duke regjistruar lojtarët e tjerë në La Liga. Kështu, sulmuesi i kombëtares ka marrë një asist duke qenë pjesë e ekipit A të Koeman.
Pritet që Manaj të jetë alternativë te Barcelona, që për këto probleme nuk federoi dot kontratën e Messit në La Liga. Lojtarët do jenë gati për Koeman, me Barçën që nesër luan me Real Sociedad për javën e parë të kampionatit.
