Këtë fundjavë, Rita Ora është duke e kaluar në Paris. Ylli i muzikës Pop po punon për projektet e reja që pritet të surprizojnë gjithë adhuruesit e saj.
Megjithatë, 30-vjeçarja shqiptare, gjatë qëndrimit të saj në kryeqytetin e modës, nuk harroi të ndajë me 16 milionë fansat e Instagramit foto të ndryshme ku shfaqet mjaft sharmante dhe tepër tërheqëse me flokët kaçurrela dhe me fustanin e bardhë të shkurtër me pala të kaltra.
Së fundi në Instagram, ajo ka publikuar edhe video nga prapaskenat e xhirimit të suksesit të saj më të fundit, hitit You for Me një bashkëpunim me DJ britanik Sigala, me të cilin pritet që bashkëpunimin ta vazhdojë me të tjera publikime së shpejti.
Këtë javë asaj nuk i munguan surprizat në The Voice Australia ku një konkurrent, fans i saj u zhvesh përgjysmë në skenë dhe performoi enkas për të.