Rreth 43 mijë doza të vaksinës Pfizer kanë mbërritur mbrëmjen e sotme në aeroportin “Nënë Tereza”. Në total numri i vaksinave që kanë mbërritur në vendin tonë ka shkuar në 1,899,172.
Lajmin e ka bërë me dije kryeministri Edi Rama i cili u bën thirrje qytetarëve që të shfrytëzojnë muajin e hapur të vaksinimit për t’u vaksinuar.
“43,512 doza të vaksinës Pfizer kanë mbërritur në Aeroportin “Nënë Tereza”, duke e çuar në 1,899,172 numrin e vaksinave të mbërritura në Shqipëri. Shfrytëzojeni muajin e hapur të vaksinimit masiv”, thotë Rama.
Që pas shfaqjes së variantit Delta janë rritur ndjeshëm shifrat e COVID në vendin tonë. Në 24 orët e fundit në vend, si rezultat i 4262 testimeve janë konfirmuar me COVID, 534 qytetarë, teksa fatkeqësisht është regjistruar një humbje jete. Viktima është një 65- vjeçar nga Vlora, e ndërsa Tirana vijon të jetë qyteti me më shumë raste në 24 orët e fundit