Vajzat shqiptare po pushtojnë pasarelat botërore. Guess duket se është fiksuar me bukuroshet shqiptare, të cilat janë bërë një imazh i firmës prestigjioze. Angela Martini ishte modelja e parë që shkeli në pasarelën e kësaj marke të njohur për t’jua lënë vendin më pas disa figurave të tjera shqiptare.
Kejvina Kthella u shfaq në një shërbim fotografik me linjën e të brendshmeve Guess ndjekur më pas nga Oriola Marashi, e cila u bë pjesë e saj në vitin 2019. Këtë rrugë suksesi e kanë ndjekur dhe bukuroshet e tjera Megi Lushaj, Bernarda Islamaj, Franceska Rustemi, Amela Bazja dhe Cindy Marina.
