Pranvera po vjen dhe projektet e reja muzikore të këngëtarëve po publikohen nga dita në ditë.
Pas Elvanës me “Tavolinën e mërzisë”, dhe Alban Skënderajt me këngën “Faleminderit” edhe Xhensila Myrtezaj solli projektin e saj të ri, me titull “Sekreti im”.
Balada e dashurisë, e cila ka protagonistë dy artistët e njohur të skenës, Pirro Çako dhe Xhensilën, ka në fokus një dashuri sublime të rrëfyer ndryshe e të realizuar në një prej qyteteve më mikpritëse të dashurisë – Venecia.
Xhensila, pasi ka lajmëruar për publikimin e këngës në llogarinë e saj në Instagram, shkruan se për këtë këngë është investuar shumë dashuri, por edhe shumë art.
“Sekreti im” nuk është më sekret. Për të gjithë ju, uroj ta pëlqeni këtë bashkëpunim në të cilin është investuar shumë dashuri edhe shumë art.
Rrugët të takojnë me shumë artistë dhe bashkëpunëtorë, por artisti i vërtetë vlerësohet në thjeshtësinë e tij, i tillë është @pirrocako. Privilegj dhe nder për mua që u finalizua ky projekt, pafundësisht falënderuese për ty Pirro. Vetëm ti mund të punosh 3 vite për një projekt të vetëm dhe uroj t’ia ketë vlejtur…”- shkruan Xhensila.