Ish-kryeministri Sali Berisha i shpallur “Non Grata” nga SHBA ka reaguar pas vendimit të kreut të PD Lulzim Basha për ta përjashtuar nga partia.
Berisha ka thënë se para se të merrte këtë vendim Basha duhet të konsideronte dorëheqjen e tij.
“Një vendim të tillë një njeri që respekton parimet më elementare të një force politike të lirë nuk mund ta marrë. Unë e kuptoj presionin e jashtëzakonshëm që ka por pavarësisht nga presioni mendoj se disa herë më parë duhet të konsideronte dorëheqjen e tij sesa të dorëzonte sovranitetin e PD-së”.
Me tone të forta Berisha tha se ky është një vendim personal i Bashës dhe jo i forumeve të PD-së.