Një 32-vjeçar në fshatin Bërxull është vënë në pranga pasi në hyrje të servisit të tij ndërtoi një rrugë me çakull duke bllokuar kanalin kullues e duke rrezikuar jetën e njerëzve dhe mjedisit.
“Specialistët për Krimet në Komisariatin e Policisë Vorë, kanë bërë arrestimin në flagrancë për veprën penale “Shkatërrimi i rrugëve” të shtetasit S. M., 32 vjeç, , i dënuar më parë për veprën penale “Pastrim i produkteve të veprës penale ose veprimtarisë kriminale”, banues në fshatin Bërxullë, pasi në hyrje të biznesit të tij(servis makinash), ka ndërhyrë në kanalin kullues duke shtruar çakull para biznesit të tij, me qëllim provizimin e një rruge për të dalë në aksin kryesor, ç’ka përbënte rrezik për jetën e njerëzve dhe mjedisit rrethues”, thotë policia.
Sakaq, policia ka arrestuar dhe katër persona të tjerë për vepra të ndryshme penale.
NJOFTIMI
Vihen në pranga 5 shtetas dhe procedohet një tjetër shtetas, për vepra të ndryshme penale.
Specialistët për Krimet në Komisariatin e Policisë Vorë, kanë bërë arrestimin në flagrancë për veprën penale “Shkatërrimi i rrugëve” të shtetasit S. M., 32 vjeç, , i dënuar më parë për veprën penale “Pastrim i produkteve të veprës penale ose veprimtarisë kriminale”, banues në fshatin Bërxullë, pasi në hyrje të biznesit të tij(servis makinash), ka ndërhyrë në kanalin kullues duke shtruar çakull para biznesit të tij, me qëllim provizimin e një rruge për të dalë në aksin kryesor, ç’ka përbënte rrezik për jetën e njerëzve dhe mjedisit rrethues.
Nga specialistët për Hetimin e Krimit në Komisariatin e Policisë Nr. 6 u bë kapja dhe ndalimi për veprat penale “Vrasja me dashje” e mbetur në tentativë” dhe “Mbajtja pa leje e armëve të ftohta” i shtetasit të shpallur në kërkim G. V., 34 vjeç, pasi me datë 07.09.2021, ka goditur me mjet prerës (thikë) shtetasin G. B.
Specialistët e Seksionit për Hetimin e Narkotikëve bënë arrestimin në flagrancë të shtetasit A. B., 24 vjeç, pasi gjatë kontrollit fizik të ushtruar iu gjet dhe iu sekuestrua një sasi me lëndë narkotike kanabis. Në vijim të veprimeve, u procedua në gjendje të lirë shtetasi S. Ç, 27 vjeç, për veprën penale “Moskallëzim i krimit” i pranishëm në vendin ku u konstatua shtetasi A. B.
Nga specialistët për Hetimin e Krimit në Komisariatin e Policisë Nr. 1 u bë arrestimi në flagrancë i shtetasit F. T., 34 vjeç, pasi për motive të dobëta, ka goditur me sende të forta shtetasin B. M, i cili ndodhet në spital, nën kujdesin e mjekëve.
Specialistët e Qarkullimit Rrugor bënë arrestimin në flagrancë të shtetasit A. Ll., 40 vjeç, pasi u kap duke drejtuar mjetin në gjendje të dehur.
Materialet i kaluan Prokurorisë së Rrethit Gjyqësor Tiranë, për veprime të mëtejshme.