Ambasada e SHBA i kërkon amerikanëve në Tiranë të shmangin zonën ku do të zhvillohet protesta e opozitës duke i bërë apel të monitorojnë mediat në lidhje me zhvillimet dhe zonat ku zhvillohet kjo protestë.
Sipas gazetës Tema, ky mesazh u është shpërndarë nga ambasada të gjithë shtetasve ameriaknë. “Mbani një profil të ulët”, thotë mesazhi i ambasadës.
Mesazhi:
“Paralajmërim për demonstratë – Ambasada e SHBA në Tiranë, Shqipëri (4
mars 2019)
Vendndodhja: Pikat e paralajmëruara të grumbullimit përfshijnë, por nuk kufizohen vetëm në, zonat e mëposhtme në Tiranë, Shqipëri:
Ndërtesa e Parlamentit
Zyra e Kryeministrit
Ndërtesa të tjera qeveritare
Ngjarja: Demonstratat priten të ndodhin kur Kuvendi i Shqipërisë të jetë në seancë. Datat e sakta janë të panjohura, por demonstratat mund të ndodhin në baza javore ose dy javore. Grupi synon të demonstrojë kundër qeverisë shqiptare. Kohëzgjatja e demonstratave të pritura është e panjohur. Forcat e sigurisë kanë përdorur ujë me presion dhe gaz lotsjellës gjatë protestave të fundit.
Personeli i Ambasadës së SHBA-së dhe anëtarët e familjeve të tyre janë urdhëruar të shmangin të gjitha pikat e grumbullimit dhe vendet ku pritet të ndodhin ose janë duke ndodhur demonstratat.
Veprimet që duhen marrë:
Shmangni grumbullimet e mëdha dhe çdo zonë ku pritet të ndodhin ose janë duke ndodhur demonstratat.
Jini të vetëdijshëm për mjedisin tuaj.
Monitoroni mediat lokale për përditësime.
Mbani një profil të ulët.”