Saimir Patushi i kënaqet pikës në transfertë me Tërbunin e Pukës. Tekniku i Burrelit e quan pozitiv rezultatin që morën të shtunën në “Ismail Xhemali”.
“Një atmosferë shumë e bukur në stadiumin e Pukës, që na ndihmoi në zhvillimin e ndeshjes. Ne kishim ardhur për rezultat pozitiv dhe mendoj se edhe nga mënyra si u zhvillua loja, duhet të jemi të kënaqur me këtë barazim.
Është vetëm java e parë dhe kjo pikë vlen për moral, sidomos kur dihet që luanim jashtë fushës sonë”, tha tekniku për mediat.
Në javën e dytë matjanët do të presin në “Liri Ballabani” ekipin e Tomorit dhe me siguri synimi kryesor është fitorja e kësaj përballje.