Një denoncim i fortë është bërë nga ish-kryeministri Sali Berisha në një postim të bërë në Facebook, ku thuhet se pak ditë më parë kryetari i Bashkisë së Vlorës, Dritan Leli është marrë peng nën kërcënimin e armës.
Denoncimi i ka ardhur nga një qytetarë i cili shkruan se ngjarja ka ndodhur dy javë më parë dhe se policia e ka fshehur.
“Kryetari i bashkise Vlore Dritan Leli eshte marre peng ne zyren e tij me pistolete ne koke nga Beni i Nazmies (Arben Licaj i denuar me pare per vrasje) i cili me pas ka kercenuar edhe tre juristet e bashkise. Ceshtja ka te bej me pallatin qe ka bere Beni Nazmies, te cilin Dritan Leli bashke me vellain e tij Eduard Leli duan tja prishin dhe tja japin token per pallat Julian Metushit nje kapobande tjeter ne qytet. Dritan Leli detyron juristet te firmosin dhe ata nuk pranojne, pasi nga njera ane ata jane te frikesuar nga Beni Nazmies dhe nga ana tjeter se do humbin vendin e punes. Juristet e bashkise kane denoncuar ne polici dhe nuk e kuptoj pse policia nuk po leviz dhe pse e mban te fshehur”, thuhet në këtë mesazh.