Pas festës së 30-vjetorit, Luana Vjollca “u arratis” në Mykonos. Moderatorja po kalon disa ditë pushim në Greqi, nga ku poston shpesh foto e video në Instagram.
Së fundmi ajo po shijon edhe jetën e natës, pasi me aq sa ka treguar ajo prej kohësh shmangte vendet me shumë njerëz.
Teksa shfaqet duke kërcyer dhe argëtuar në vendet me muzikë të Mykonos, Luana ka zbuluar se në Mykonos e krahasojnë me aktoren e njohur kolumbiano-amerikane Sofia Vergara. “Këtu më thërrasin Sofia Vergara”, shkruan ajo krahas një fotoje të postuar në Instastory.
Sa i përket televizionit, fansat kanë kërkuar një përgjigje nëse do fillojë sërish “Shiko kush luan” apo se çfarë projekti po sjell Luana. Megjithatë, ajo zbuloi se së shpejti do të bëjë një lajmërim për sezonin, ndaj ne na mbetet të presim!