Kryeministri Edi Rama tha se premtimet e dhëna në fushatën e zgjedhjeve të 25 prillit janë të parashikuara në programin qeverisës që ai po prezanton sot në Kuvend.
“Unë ndjehem mirë sot që nuk ka asgjë të premtuar në fushatë që nuk është në program. Madje në debat kam thënë merrni programin e fushatës ta kalojmë në Parlament dhe ti qëndrojmë një për një. Sepse asnjë synim i fushatës nuk ka mbetur pa u kthyer në objektiv. Nuk kam parasysh politikanë që premtimet i kanë si pëllumbat që nxirren nga kapelet në një skenë prestigjatorësh. Prandaj ndodh që një premtim mos të mbahet dot në kohën e premtuar për shkaqe që janë tërësisht jashtë vullnetit të qeverisë, si tërmeti e pandemia, ndërveprimet të aktorëve e faktorëve të tretë siç ndodhi me Vlorën ku ndeshëm me ngecje të padëshiruara e të papritura jashtë vullnetit të qeverisë”, tha ai.