Deputeti Ervin Salianji ka komentuar zhvillimet e fundit politike. Salianji shkruan se ata që ëndërrojnë shkrirjen e Partisë Demokratike do të zhgënjehen shumë shpejt.
Postimi i Salianjit:
Ka nga ata të marrë që ëndërrojnë shkrirjen e Partisë Demokratike, apo nga ata që thonë se Partia Demokratike e ka mbyllur misionin e saj. Do të zhgënjeheni shumë shpejt. Partia Demokratike është partia me e suksesshme e tranzicionit shqiptar. Më kot shpresoni ta zhbëni këtë histori. PD jo vetëm që përbën historinë më të bukur të dekadave të fundit të historisë së Shqipërisë, por është padyshim dhe e ardhmja e saj, pasi është e vetmja forcë politike që mund ta zhvillojë dhe ta cojë përpara këtë vënd. Prandaj kam një thirrje për të gjithë demokratët: ndihuni krenar që jeni demokratë, ndihuni krenar për partinë tuaj dhe për vlerat që ajo ka përfaqësuar dhe gjithmonë do të përfaqësojë.